| Summary: | Í þessari listrannsókn kanna ég hvernig eigin listsköpun og listaverk geta gefið vísbendingar um þrívíða nálgun í litanámi. Rannsóknin er tvíþætt, hún beinist að listaverkinu Málverka díagram sem ég sýndi á einkasýningunni Arkitektúr hugans – útleið í Listasafni ASÍ í Reykjavík árið 2013. Í þessum hluta kanna ég þróun verksins og áhrifavalda þess út frá birtu og litum. Í framhaldi fjalla ég um kennslu mína við Myndlistaskólann í Reykjavík og hvernig mögulegt er að útfæra eiginleika listaverks í þrívítt verkefni í litanámi. Í þessu sambandi greini ég einnig verkefni í litakennslu, þrívíðri formfræði og kennsluefni í litanámi. Mitt aðalframlag í þessu verkefni er að kynna og rökstyðja kenningu mína um mikilvægi þess að þróa á markvissan hátt litanám frá tvívíðri nálgun í þrívíða. Því til stuðnings kynni ég til sögunnar Litalíkan sem nýst getur sem kveikja í þessum tilgangi. Líkanið er þrívítt og byggi ég það á þessum rannsóknum og kennslureynslu minni. Ég vek máls á hugtaka og orðanotkun á þessu sviði og kanna samræmi skilgreininga á hugtökum í íslensku. Þessi umræða er brýn því tungumálið mótar skynjun okkar. Það er mikilvægur tjáningarmiðill í viðleitni til að skilgreina liti í námi og kennslu sem og í umhverfi og óáþreifanlegri þekkingu einstaklingsins. Ritgerðin er tækifæri til að efla umræðu um litanám, þróun þess og vonandi eflir hún meðvitund um mikilvægi þrívíðs litanáms í skólum. Lykilorð: Albers, birta, Goethe, Itten, listrannsóknir, listaverk, listkennsla, listnám, litafræði, litanám, litarannsóknir, litir, myndlist, málverka díagram, meistararitgerðir, myndlistarkennsla, Myndlistaskólinn í Reykjavík, Swirnoff, þrívítt, þrívíðu In this artistic research I explore ways for one’s own creative process and works of art, to help developing a three-dimensional approach to colour studies. The study has two parts. The first part involves an artwork of mine called Málverka díagram (Painting Diagram) that was part of the exhibition Arkitektúr hugans – útleið (Exit – A Diagram of Memories) at ASÍ Art Museum in ...
|
|---|