Skóli fyrir alla : hvernig kemur grunnskólinn til móts við ólíkar náms-, félags- og tilfinningalegar þarfir nemenda?

• Main Authors: Ása Árnadóttir, Þórdís Þórðardóttir
• Other Authors: Háskólinn á Akureyri
• Format: Thesis
• Language: Icelandic
• Published: 2008
• Subjects: Grunnskólar; Fatlaðir; Sérkennsla; Eigindlegar rannsóknir; Heildtæk skólastefna; Akureyri; Háskólans á Akureyri
• Online Access: http://hdl.handle.net/1946/1660

Verkefnið er lokað til júlí 2020 Verkefnið er lokaverkefni við kennaradeild Háskólans á Akureyri. Viðfangsefnið er stefnan; „skóli fyrir alla“ og leitum við svara við rannsóknarspurningunni: „Hvernig kemur grunnskólinn til móts við ólíkar náms-, félags- og tilfinningalegar þarfir nemenda?“ Ritgerðin skiptist í sex meginkafla. Í fyrsta kaflanum skilgreinum við hugtakið; „skóli fyrir alla“ og skoðum kenningar fræðimanna. Við athugum Aðalnámskrá grunnskóla og fjöllum stuttlega um grunnskólalögin, ásamt því könnum við hvernig stefna og framkvæmd hennar er hér á landi. Í öðrum kafla kynnum við okkur ólíkar þarfir nemenda , gerum grein fyrir hugtökum og skilgreiningum um fatlanir og sérþarfir. Við skoðuðum líka þann ólíka stuðning sem nemendur með sérþarfir fá í grunnskólunum. Í fjórða kafla gerum við grein fyrir hugtökunum; starfshættir, kennsluhættir og kennsluaðferðir. Í lok kaflans gerum við grein fyrir stöðu grunnskóla, á höfuðborgarsvæðinu, í sérkennslumálum. Fimmti kaflinn fjallar um eigindlegar rannsóknaraðferðir og gerum við grein fyrir vettvagnsathugunum og spurningalistum en þær aðferðir notuðum við í rannsókn okkar. Sjötti og síðasti meginkafli verkefnisins kynnir þátttakendur í rannsókninni, vettvangsrannsóknina, niðurstöður úr spurningalistum þátttakenda. Við fjöllum um niðurstöður, drögum ályktanir og bendum á leiðir til úrbóta. Grunnskólinn á að taka við öllum nemendum og koma til móts við ólíkar þarfir þeirra. Við skrif okkar og upplýsingaöflun komumst við að því að grunnskólinn sinnir þörfum nemenda með skilgreindar sérþarfir og gerir það í flestum tilvikum mjög vel. Aftur á móti er þörfum ólíkra nemenda með ólíkar náms-, félags og tilfinningalegar þarfir ekki mætt. Við drögum þær ályktanir að helsta ástæða þess sé fjárskortur, ekki nægt fólk sem starfi í grunnskólanum og fjölmennir bekkir. Rökin fyrir því koma fram í niðurstöðum rannsóknar okkar, sem við framkvæmdum á haustdögum 2007.