Smálán og samningsfrelsi

• Main Author: Ásgeir Skorri Thoroddsen 1990-
• Other Authors: Háskólinn í Reykjavík
• Format: Thesis
• Language: Icelandic
• Published: 2013
• Subjects: Lögfræði; Neytendaréttur; Lánamál; Varpa; Mati; Falla; Iceland
• Online Access: http://hdl.handle.net/1946/15922

Smálánafyrirtæki hófu starfsemi hér á landi árið 2009 og eru nú fimm talsins. Fyrirtækin sérhæfa sig í veitingu smálána sem eru peningalán til skamms tíma. Fyrirtækin hafa verið harðlega gagnrýnd m.a. fyrir vextina sem lánin bera ásamt markaðsstarfi þeirra þar sem talið er að því sé beint að fólki sem stendur höllum fæti í samfélaginu. Viðfangsefni ritgerðarinnar eru smálánafyrirtæki og samningar þeirra. Umfjölluninni má í grófum dráttum skipta í tvennt. Í fyrsta lagi er fjallað um lagaumhverfi smálánafyrirtækja, bæði fyrir og eftir setningu nýrra laga um neytendalán, og líkleg áhrif nýju laganna á smálánafyrirtækin. Í öðru lagi er leitast við að varpa ljósi á það hvort smálánasamningar og almennir skilmálar þeirra geti hugsanlega verið ógildanlegir. Í nýjum lögum um neytendalán nr. 33/2013 er afnumin undanþága núgildandi laga sem gerir það að verkum að smálán falla ekki undir núgildandi neytendalánalöggjöf. Samkvæmt nýju lögunum teljast smálán til neytendalána og þurfa því að uppfylla kröfur laganna um upplýsingagjöf um lántökukostnað eins og önnur neytendalán. Nýju lögin setja jafnframt þak á vexti og kostnað sem innheimta má af neytendalánum. Ákvæðið mun að mati smálánafyrirtækjanna gera út um starfsemi þeirra hér á landi og af þeirri ástæðu vekur það upp álitaefni um hvort löggjafinn hafi gætt meðalhófs við setningu reglunnar. Í ritgerðinni er fjallað um ógildingarástæður samningaréttar sem helst koma til álita við ógildingu smálánasamnings. Margt er skoðað í ritgerðinni en það sem helst kemur til álita byggir á háu endurgjaldi smálánasamninga og takmarkaðri upplýsingagjöf sem veitt er lántakendum um vexti og kostnað. Small loan (Payday loan) providers started operating in Iceland in 2009. Small loan services appear to be in considerable demand whereas there are now five small loan companies operating in Iceland. The companies specialize in providing small loans, which are short term loans, typically provided online. The companies have been heavily criticized, mainly for the high interest rates they charge ...