Námshvati : tengsl viðhorfa nemenda og trúar þeirra á eigin færni

• Main Authors: Matthildur Kjartansdóttir 1983-, Gísli Felix Bjarnason 1962-
• Other Authors: Háskólinn á Akureyri
• Format: Thesis
• Language: Icelandic
• Published: 2013
• Subjects: Kennaramenntun; Grunnskólar; Tungumálakennsla; Áhugahvöt; Sjálfstraust; Sjálfsmynd (sálfræði); Akureyri; Mati
• Online Access: http://hdl.handle.net/1946/15709

Ritgerð þessi er lokaverkefni til B.Ed.-gráðu í kennaradeild við Háskólann á Akureyri. Markmið ritgerðarinnar er kanna hvað felst í hugtakinu hvati og hvernig hann hefur áhrif á nám. Sérstaklega verður litið til hvata í tungumálanámi. Í fyrri hluta ritgerðarinnar er farið yfir sögu hvatarannsókna, litið á helstu fræðimenn og rýnt í kenningar þeirra. Þessu næst er þróun tungumálakennslu á Íslandi skoðuð allt frá upphafi skólastarfs. Í því samhengi er litið stuttlega á helstu kenningar í kennslufræði tungumála og markmið Aðalnámskrár í ensku og dönsku skoðuð. Að lokum er sjónarhorninu beint að hvatarannsóknum í tungumálanámi og mestu áhrifavaldar og kenningar þeirra kynntar til sögunnar. Hvati er frumþörf sem hvetur okkur áfram og eftir því sem við sjáum meiri tilgang með gjörðum okkar eykst hvatinn ósjálfrátt. Margir þættir hafa áhrif á hvata nemenda til náms. Ytri þættir líkt og skólaumhverfi, heimilisaðstæður og samskipti við samnemendur og kennara skipa stóran sess í því að nemendum líði vel í skólanum. Í ljósi mikilvægi hvata í skólastarfi ásamt því að hann er aðalumfjöllunarefni þessarar ritgerðar þótti upplagt að framkvæma könnun sem innlegg í þá umræðu. Könnunin var framkvæmd meðal grunnskólanema í sveitarfélaginu Árborg. Henni var ætlað að kanna viðhorf þátttakenda til enskunáms annarsvegar og dönskunáms hinsvegar. Vægi enskunnar hefur farið vaxandi undanfarna áratugi og vægi dönskunnar hefur dvínað að sama skapi. Nemendur sjá minni tilgang með dönskunámi, en að margra mati er tilgangur náms helsti drifkraftur hvatans. Tilgangur könnunarinnar var að kanna hvort viðhorf þátttakenda hefði áhrif á trú þeirra á eigin getu. Fyrri helmingur könnunarinnar snérist um viðhorf til tungumálanna en sá síðari vék að trú á eigin færni í tungumálinu og tilgangi námsins. Niðurstöður könnunarinnar sýna að það er áberandi munur á viðhorfum nemenda til tungumálanna tveggja. Í öllum þeim þáttum sem kannaðir voru var mikill meirihluti þátttakenda, allt frá 70-90% jákvæðir þegar spurt var um enskuna. Á hinn boginn náði ...