Líkamsímynd og megrun meðal framhaldsskólanema. Þróun á tímabilinu 2000-2010

• Main Author: Guðrún Ingólfsdóttir 1974-
• Other Authors: Háskóli Íslands
• Format: Master Thesis
• Language: English
• Published: 2013
• Subjects: Sálfræði; Megrun; Framhaldsskólanemar; Líkamsímynd; Iceland
• Online Access: http://hdl.handle.net/1946/15683

Markmið: Tilgangur rannsóknarinnar var að meta breytingar á líkamsímynd og tíðni megrunar meðal íslenskra unglinga á aldrinum 16-19 ára á árunum 2000-2010. Aðferð: Borin voru saman gögn ,,Rannsókna og greiningar“ frá spurningakönnunum sem lagðar voru fyrir nemendur í 26 framhaldsskólum víðs vegar á landinu á fjórum tímapunktum (2000, 2004, 2007 og 2010). Alls tóku 33.381 nemendur þátt í rannsókninni; 16.085 drengir og 17.615 stúlkur. Meðalaldur þátttakenda var 17,3 ár. Niðurstöður: Líkamsímynd 16-19 ára unglinga á Íslandi batnaði marktækt á þeim 10 árum sem rannsóknin náði yfir. Stúlkur mældust með neikvæðari líkamsímynd en drengir á öllum tímapunktum. Megrun var mun algengari meðal stúlkna en drengja á öllum tímapunktum. Hlutfall stúlkna sem hafði farið í megrun síðastliðna 12 mánuði minnkaði hins vegar marktækt á tímabilinu en jókst marktækt meðal drengja þannig að bil milli kynja minnkaði. Ályktanir: Líklegt er að ólíkar ástæður búi að baki megrun og neikvæðri líkamsímynd hjá kynjunum sem geti skýrt kynjamun í þróun og tíðni þessara þátta. The aim of the study was to evaluate trends in body image and dieting among 16-19-year-old students in Iceland from 2000 to 2010. Data from four cross-sectional surveys conducted among Icelandic students in 26 high schools/junior colleges using four time points were compared to examine changes in body image and dieting. In total, 33,381 students with the mean age of 17.3 years participated. Body image became significantly more positive over the 10-year period for both genders. At all time points, females reported more negative body image than males and a higher proportion of dieters were females than males. There was a decrease in the frequency of dieting among females over time but an increase among males, resulting in a narrower gender gap in dieting. Further examination of these trends in body image and dieting may reveal differences in causal mechanisms behind negative body image and dieting between the genders.