Carl Billich og áhrif hans á íslenska karlakvartetta

• Main Author: Þorkell Helgi Sigfússon 1988-
• Other Authors: Listaháskóli Íslands
• Format: Thesis
• Language: Icelandic
• Published: 2013
• Subjects: Söngur; Carl Billich 1911-1989; Kvartettar (söngur); Karlakórar; Ísland; Reykjavík; Brautin
• Online Access: http://hdl.handle.net/1946/15647

Í þessari ritgerð verður fjallað um tónlistarmanninn Carl Billich og starf hans í þágu íslenskra karlakvartetta. Carl átti hreint ótrúlega ævi. Hann fæddist í Vín stuttu áður en fyrri heimsstyrjöldin hófst. Hann kom í ævintýraleit til Íslands tuttugu og tveggja ára gamall. Árið 1940 var hann tekinn til fanga og fluttur til Englands. Þaðan fór hann til Vínar í fangaskiptum. Hann komst síðan loks aftur til Íslands sjö árum seinna og þar bjó hann og starfaði þar til dagar hans voru taldir. Carl vann óeigingjarnt og öflugt starf með margskonar tónlistarmönnum. Þar á meðal voru nokkrir af dáðustu karlakvartettum landsins. Fjallað verður um samstarf Carls Billich við MAkvartettinn, Leikbræður og Smárakvartettinn í Reykjavík. Farið verður lauslega yfir sögu þessarra kvartetta og hvernig Carl Billich hjálpaði þeim. Þessir kvartettar eru af mörgum taldir rjómi íslenskra karlakvartetta. MA-kvartettinn er líklega sá kvartett sem allir aðrir líta upp til. Þeir einfaldlega komu sáu og sigruðu með fallegum söng sem og hnyttnum textasmíðum. Leikbræður eiga einnig stóran þátt í kvartettasöng í dag. Með útgáfu Söngbræðralaga var brautin rudd fyrir aðra karlakvartetta til að nálgast kvartettaútsetningar af ýmsu tagi. Einnig verður stuttlega minnst á Smárakvartettinn í Reykjavík og K.I.B.S.- kvartettinn en Carl sá ýmist um æfingar, undirleik og útsetningar hjá ofangreindum kvartettum.