The effect of photoperiod on juvenile turbot (Scophthalmus maximus)

• Main Author: Le Deuff, Soizic Nicole, 1987-
• Other Authors: Háskólinn á Hólum
• Format: Thesis
• Language: English
• Published: 2013
• Subjects: Fiskeldisfræði; Meistaraprófsritgerðir; Fiskeldi; Sandhverfueldi; Langa; Sund; Scophthalmus maximus; Turbot
• Online Access: http://hdl.handle.net/1946/15195

Vöxtur, fóðurnýting, atferli og súrefnisnotkun sandhverfuseiða, sem alin voru við mismunandi ljóslotu, var borinn saman í tilraun sem stóð yfir í 11 mánuði. Fiskarnir voru aldir við þrenns konar ljóslotur: Stöðugt ljós (LD24:0), langa dagsbirtu (LD16:8) og ljóslotur þar sem fiskarnir voru fyrst aldir við langa dagsbirtu (LD16:8), síðan við stöðugt ljós í fjóra mánuði og að lokum aftur við langa dagsbirtu (LD16:8). Hver meðferð var prófuð í tveimur kerjum þar sem 25 einstaklingsmerktir fiskar voru í hverju keri. Þyngd fiskanna var mæld í hverjum mánuði og fóðurtaka var skráð daglega. Þegar þyngd fiskanna var mæld voru tekin blóðsýni úr 6 fiskum í hverjum meðferðarhópi til þess að mæla ýmsa blóðþætti. Á meðan á tilrauninni stóð var fylgst með atferli fiskanna (hversu mikið þeir hreyfðu sig) og súrefnisnotkunn seiðanna sem alin voru við mismunandi ljóslotur. Niðurstöður verkefnisins sýna að ljóslota hefur marktæk áhrif á vöxt sandhverfu. Í lok tilraunarinnar voru LD16:8 fiskarnir 30% stærri en þeir sem aldir voru við LD24:0. Hins vegar var ekki marktækur munur á fóðurnýtingu milli hópanna. Það hægði á vexti fiska sem færðir voru af LD16:8 á LD 24:0. Ljóslotan hafði lítil áhrif á blóðþætti. Ljóslotan hafði marktæk áhrif á atferli fiskanna. Þeir sem aldir voru við LD24:0 voru meira á hreyfingu og notuðu þar með meiri orku í sund en þeir sem voru á LD16:8. Hugsanlegt er að þessi munur á hreyfingu hópanna hafi valdið því að þeir sem aldir voru á LD24:0 uxu hægar en hinir. Niðurstöður um súrefnisnokun fiskanna gætu þó bent til hins gagnstæða, því súrefnisnotkun fiska sem aldir voru við LD16:8 var meiri en hjá þeim sem voru við LD24:0. Þess ber þó að geta að þegar súrefnisupptaka var mæld gátu fiskarnir lítið hreyft sig og því er hugsanlegt að súrefnisupptaka fiska sem aldir voru við LD24:0 hafi verið hærri í kerjunum þar sem þeir gátu hreyft sig að vild. Megin niðurstöður þessa verkefnis benda til þess að í sandhverfueldi ætti alltaf að gera ráð fyrir myrkurtíma á hverri nóttu og forðast að ala fiskinn við stöðgut ljós. ...