Ferskfiskútflutningur með flugi frá Egilsstöðum

• Main Author: Dagný Kapítóla Sigurðardóttir
• Other Authors: Háskólinn á Akureyri
• Format: Thesis
• Language: Icelandic
• Published: 2007
• Subjects: Flugvélar; Flutningar; Samgöngur; Fjármögnun; Rekstraráætlanir; Fiskútflutningur; Viðskiptafræði; Akureyri; Háskólans á Akureyri
• Online Access: http://hdl.handle.net/1946/1405

Verkefnið er opið nemendum og starfsfólki Háskólans á Akureyri frá og með 31.05.2012 Í þessari skýrslu er því svarað hvort að hagkvæmt er að kaupa eða leigja fraktflugvél til að flytja úr ferskan fisk frá Egilsstöðum. Allt frá því að útflutningur á ferskum fiskflökum hófst hér á landi í lok 8. áratugarins hefur hann aukist nánast stöðugt frá ári til árs. Útflutningur á ferskum fiski er hluti af almennari þróun sem á sér nú stað um allan heim. Aukin eftirspurn eftir ferskum matvælum er ekki bundin við sjávarafurðir heldur á jafnt við um grænmeti og aðrar landbúnaðarvörur. Í dag er ferskum fiski keyrt frá Austurlandi til Keflavíkur og flogið út með hann þaðan, þetta kallar á aukið álag á þjóðvegi landsins með tilheyrandi slysahættu og kostnaði. Í skýrslunni er farið yfir þau fjárhagslegu hugtök sem höfundur notar og lagt er mat á það hvað útkoman úr hugtökunum segir fyrir arðsemi verkefnisins. Einnig er sett fram áætlun um stofnkostnað, þ.e.a.s. þann kostnað sem til fellur áður en viðskiptahugmyndinni er hrint í framkvæmd. Þá er sett fram raunhæf rekstraráætlun fyrir viðskiptahugmyndina, sem varpar ljósi á vænta fjárhagsafkomu fyrirtækisins. Að lokum er gerð grein fyrir því hversu mikið fjármagn fyrirtækið þarf miðað við þær forsendur sem gengið er út frá í áætluninni og hvernig ætlunin er að útvega það. Helsta niðurstaða skýrslunnar er sú að verkefninu um flugvélakaup er hafnað vegna þess að NPV, IRR og MIRR eru öll neikvæð, NPV er neikvætt um 135,878,842 kr og IRR er neikvætt um tæp 9% og að lokum er MIRR neikvætt um tæp 4% sem þýðir að arðsemi fjárfestingarinnar er minni en kostnaður hennar. Hins vegar samþykkir höfundur verkefnið um flugvélaleiguna þar sem NPV er jákvætt um 783.401.115 kr og IRR er tæp 138% sem þýðir að fjárfestingin eykur verðgildi sitt um 138% og MIRR er einnig jákvætt um 42 % sem þýðir að hagnaðurinn má minnka um 42 % áður en fjárfestingin verður óarðbær. Einnig skilar verkefnið um flugvélaleigu hagnaði upp á 55.995.616 kr á fyrsta ári og handbært fé í lok fyrsta árs er 62.539.379 kr. ...