Lýðræðiskennsla í skólum - að kenna um lýðræði í lýðræði

• Main Author: Margrét Hannesdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2011
• Subjects: Menntunarfræði; Meistaraprófsritgerðir; Grunnskólar; Lýðræði; Kennsla; Akureyri; Drög; Reykjavík
• Online Access: http://hdl.handle.net/1946/14011

Verkefnið er lokað Sífellt meiri áhersla er lögð á kennslu um lýðræði í lýðræði innan grunnskóla landsins. Staðfestingu þess má einna helst finna í drögum sem nú liggja fyrir að nýrri Aðalnámskrá. Í þessari ritgerð sem er tvískipt er í fyrsta lagi lagi að finna fræðilega umfjöllun um lýðræði. Gert gert er grein fyrir einkennum hugtaksins og það sett í samhengi við menntun og mikilvægi þeirra tengsla gerð skil. Einnig er að finna umfjöllun um drög að nýrri Aðalnámskrá í tengslum við stöðu lýðræðismenntunar á Íslandi. Í öðru lagi eru kynntar niðurstöður viðtalsrannsóknar sem byggðist á samtölum við fjóra grunnskólakennara sem starfa á Akureyri og í Reykjavík. Tilgangur viðtalanna var að leita svara við eftirfarandi spurningum: Undirbúa grunnskólar börn fyrir lýðræðislega þátttöku í samfélaginu? Hvað er gert í skólunum í þessu augnamiði og hvaða leiðir má fara í kennslu? Eigindlegri rannsóknaraðferð var beitt og var hún í formi óstaðlaðs viðtals. Rannsakandi hafði fyrirfram mótaðan viðtalsramma og gat með þeim hætti stjórnað umræðuefninu en viðmælendur réðu innihaldi samræðanna. Helstu niðurstöður viðtalanna voru þær að viðmælendurnir virtust almennt ekki mjög meðvitaðir um lýðræðiskennslu. Fram kom að þeir legðu ekki sérstaka áherslu á kennslu á hugtakinu sem slíku en reyndu þó að beita lýðræðislegum vinnubrögðum í starfi sínu og samskiptum, bæði við nemendur og annað samstarfsfólk. Þátttakendur voru sammála um mikilvægi tveggja þátta er þeir tengdu við lýðræðisnám og –kennslu, það er bekkjareglna og nemendaráða.