Finnst ég vera á réttri leið : viðhorf stærðfræðikennara til eigin kennsluaðferða

• Main Author: Elínborg Valsdóttir 1968-
• Other Authors: Háskóli Íslands
• Format: Thesis
• Language: Icelandic
• Published: 2012
• Subjects: Meistaraprófsritgerðir; Náms- og kennslufræði; Stærðfræðikennsla; Unglingastig grunnskóla; Kennsluaðferðir; Eigindlegar rannsóknir; Tilviksrannsóknir; Stærðfræðikennarar; Viðhorf; Iceland
• Online Access: http://hdl.handle.net/1946/13118

Í þessu lokaverkefni til meistaragráðu í Náms- og kennslufræði við Háskóla Íslands er fjallað um viðhorf stærðfræðikennara til eigin kennsluaðferða. Gert var ráð fyrir að kennarar veldu sér kennsluaðferðir út frá einhverjum forsendum. Til að skýra það var meðal annars leitað til Bruners og líkana hans um það hvernig nám fer fram. Einnig voru kennsluaðferðir mátaðar við atferlisstefnu og félagslega og róttæka hugsmíðihyggju. Verkefnið var eigindleg tilviksrannsókn sem byggði á samtölum við fimm stærðfræðikennara, þrjá skólastjóra og setu í kennslustundum hjá kennurum. Helstu niðurstöður voru þær að sumir kennarar notuðu fáar kennsluaðferðir og aðrir margar en allir höfðu ákveðnar skoðanir á aðferðunum sem þeir notuðu. Engin ein aðferð fékk besta dóma, heldur virtist vera einstaklingsbundið hvaða álit kennarar höfðu á hverri aðferð fyrir sig. Túlkun á niðurstöðum leiddi í ljós að Steinar sem notaði að mestu leyti útlistunar- og þjálfunaraðferðir aðhylltist atferlisstefnuna og annað líkan Bruners um nám. Fanney sem notaði mest leitaraðferðir aðhylltist róttæka hugsmíðihyggju og þriðja líkan Bruners. Agnes og Sóldís sem voru hrifnastar af umræðu- og spurnaraðferð ásamt hópvinnu aðhylltust félagslega hugsmíðihyggju og fjórða líkan Bruners. Hanna notaði ólíka hugmyndafræði eftir því hvort hún kenndi í sjötta eða tíunda bekk. Í sjötta bekk var hún verkstjóri, aðhylltist róttæka hugsmíðihyggju og þriðja líkan Bruners en í tíunda bekk notaði hún nær eingöngu útlistunaraðferðir og aðhylltist atferlisstefnuna og annað líkan Bruners. Val á kennsluaðferðum virtist vera algjörlega undir hverjum og einum kennara komið og höfðu þeir mikið frjálsræði. Einstaklingsbundið var hvort þeir nýttu frjálsræðið til að hafa kennsluna fjölbreytta eða fábreytta. This thesis for a master’s degree in education at the University of Iceland addresses mathematics teachers´ opinions on their teaching methods. It was presumed that teachers chose their teaching methods built on the logic that had meaning for themselves. For explanation Bruner’s ...