Ég vann sem barn : barnavinna byggð á reynslu þriggja einstaklinga sem eru fæddir um miðja 20. öld

• Main Author: Kolbrún Hanna Jónasdóttir 1981-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Uppeldis- og menntunarfræði; Börn; Atvinnuþátttaka; Reykjavík
• Online Access: http://hdl.handle.net/1946/12987

Eftirfarandi ritgerð fjallar um barnavinnu þriggja einstaklinga sem eru fæddir á árunum 1944 – 1960 og viðhorf þeirra til hennar. Hún fjallar um mismunandi reynslu, viðhorf og álit viðmælenda á þátttöku í barnavinnu. Leitast var við að svara rannsóknarspurningunni „Hver er upplifun þín og reynsla af því að vinna sem barn?“ Ritgerðin byggir að mestu leyti á frásögnum viðmælenda minna og viðhorfi til þeirrar barnavinnu sem þeir tóku þátt í. Viðtöl voru tekin við eina konu og tvo karla. Viðtölin voru hálfstöðluð og fengu viðmælendur mínir fyrirfram ákveðinn spurningalista til yfirlestrar fyrir viðtalið. Viðmælendur mínir ólust bæði upp í Reykjavík eða í sveit, utan Reykjavíkur, í misstórum fjölskyldum og við misjafnar heimilisaðstæður. Tóku þeir allir þátt í barnavinnu, bæði í sveit, á heimilum sínum og í Reykjavík. Helstu niðurstöður eru þær að þau störf sem þeir tóku þátt í voru öll mjög svipuð, því þeir sem ólust upp í sveit voru látnir gera það sama og þeir sem komu einungis á sumrin. Nokkur kynjaskipting ríkti samt á störfum drengja og stúlkna. Þegar kom að störfum í sveitinni voru stúlkurnar gjarnan í innistörfum en strákarnir látnir í ýmis útistörf eins og í slátt, heyvinnu og að girða girðingar. Viðmælendur mínir voru sammála um að störfin hafi í sumum tilfellum verið erfið en að sama skapi lærdómsrík og mjög fjölbreytt.