Frammistaða og þátttaka kvenna í íþróttum. Tilkoma og áhrif staðalmynda

• Main Author: Árdís Ósk Steinarsdóttir 1987-
• Other Authors: Háskóli Íslands
• Format: Thesis
• Language: Icelandic
• Published: 2012
• Subjects: Sálfræði; Konur; Íþróttir; Staðalímyndir; Akureyri; Kvenna
• Online Access: http://hdl.handle.net/1946/12254

Markmið þessarar rannsóknar var að sýna fram á að staðalmyndaógn (stereotype threat) frekar en félagsleg auðveldun (social facilitation) hafi áhrif á þátttöku og frammistöðu kvenna í karlmannlegum íþróttum. Forathugun (N = 66) sýndi að sipp er hvorki talin kvenleg né karlmannleg æfing og bekkpressa er talin karlmannleg æfing. Því var spáð að vegna félagslegrar auðveldunar myndu þátttakendur standa sig betur í sippi í hóp frekar en ein og karlar standa sig betur í bekkpressu í hópi en einir. Reynt var að virkja staðalmyndaógn hjá konum þegar meta átti þær í bekkpressu innan um karla og því spáð að í kjölfarið myndu þær standa sig verr í bekkpressu innan um karla en innan um konur. Því var spáð að konur myndu mælast hærri á líkamskvíða og matskvíða en karlar. Þátttakendur voru 114 nemendur við Menntaskólann á Akureyri. Ekki kom fram munur á frammistöðu í sippi eða bekkpressu eftir því hvort þátttakendur voru metnir einir, í hópi af sama kyni eða í hópi beggja kynja. Konur kusu hins vegar sjaldnast að taka þátt í bekkpressu og sippi innan um karla auk þess skoruðu þær marktækt hærra á matskvíða og líkamskvíða en karlar.