Félagsfærni í leikskóla

• Main Authors: Steinunn Ósk Steinarsdóttir 1980-, Alda Björg Breiðfjörð 1976-
• Other Authors: Háskólinn á Akureyri
• Format: Thesis
• Language: Icelandic
• Published: 2012
• Subjects: Kennaramenntun; Grunnskólar; Leikskólar; Félagsfærni; Akureyri; Háskólans á Akureyri
• Online Access: http://hdl.handle.net/1946/12238

Verkefni þetta er unnið sem lokaverkefni til B.Ed.-gráðu við Kennaradeild Háskólans á Akureyri á vormisseri 2012. Tilgangur verkefnisins er að gefa innsýn í hvernig félagsfærni þróast hjá börnum á leikskólaaldri. Í verkefninu er fjallað um hvernig börn læra félagsfærni, með hvaða leiðum er hægt að efla félagsfærni hjá börnum í leikskóla og hvernig koma má til móts við þarfir þeirra barna sem eiga erfiðara með að tileinka sér félagsfærni. Fjallað er um hugtökin félagsfærni, sjálfsmynd, sjálfstraust, trú á eigin getu og samskipti. Að auki eru lög um leikskóla skoðuð ásamt Aðalnámskrá leikskóla og hvað hún fjallar um í sambandi við félagsfærni og lífsleiknistarf innan leikskólanna. Bent er á leiðir til þess að vinna með félagsfærni sem byggja m.a. á því að efla sjálfstraust og trú barna á eigin getu. Gerð er grein fyrir því hvernig leikurinn þróast hjá börnum á leikskólaaldri og að leikur er ekki bara leikur, heldur felst í honum mikið nám í félagsfærni og almennum samskiptum. Fjallað er um hvernig hlutverk starfsfólk leikskóla snertir leik barna og hvernig hægt er að tengja hann markvisst við þjálfun í félagsfærni. Nokkur verkefni sem vinna má með börnunum og snerta lífsleikni og félagsfærni eru kynnt. Þá er einnig fjallað um börn með frávik og þá einkum ADHD og einhverfu og hvernig efla má félagsfærni þeirra.