Jarðfræði höfuðborgarsvæðisins með tilliti til jarðlestarkerfis

• Main Author: Þórey Ólöf Þorgilsdóttir 1988-
• Other Authors: Háskóli Íslands
• Format: Thesis
• Language: Icelandic
• Published: 2012
• Subjects: Jarðfræði; Höfuðborgarsvæðið; Jarðgangagerð; Bergfræði; Reykjavík; Iceland
• Online Access: http://hdl.handle.net/1946/11946

Til að almenningssamgöngukerfi höfuðborgarsvæðisins verði raunhæfur valkostur fyrir fleira fólk er þörf á að gera breytingar á því. Í því samhengi hefur jarðlestarkerfi verið nefnt til sögunnar og er nú starfandi innan Háskóla Íslands svokallaður Metró-hópur sem hefur áhuga á að kanna þann kost til hlítar. Verkefni þetta er liður í því og er markmið þess að vinna gróft mat á því hversu vel jarðmyndanir höfuðborgarsvæðisins henti til jarðgangagerðar. Þrátt fyrir ungan jarðfræðilegan aldur höfuðborgarsvæðisins er jarðfræði þess mjög fjölbreytileg. Jarðlagasyrpa svæðisins spannar stærstan hluta ísaldar sem einkenndist af miklum öfgum í veðurfari. Jarðmyndunum á höfuðborgarsvæðinu má skipta í fjórar meginmyndanir: Viðeyjarberg, Elliðavogslög, Reykjavíkurgrágrýti og Fossvogslög. Þar sem jarðlestargöng liggja fremur grunnt myndu þau að mestu liggja í Reykjavíkurgrágrýtinu en ef til vill í einhverjum tilfellum í Elliðavogs- og Fossvogslögunum. Niðurstöður rannsókna á jarðmyndunum höfuðborgarsvæðisins sýna að Reykjavíkurgrágrýtið hentar best til jarðgangagerðar. Lekt þess er þó nokkuð mikil sem gæti valdið vandamálum á byggingartíma. Elliðavogs- og Fossvogslögin eru veiksamlímd setlög og henta illa til jarðgangagerðar. Því væri æskilegt að sneiða framhjá þessum lögum þar sem slíkt væri mögulegt en göng sem færu þar í gegn þyrftu miklar styrkingar. Meginniðurstaða þessa verkefnis að berggrunnur höfuðborgarsvæðisins henti nokkuð vel til byggingar jarðlestarkerfis. An overhaul is needed for the public transportation system in Iceland‘s capital region if it is to become a viable option for more people. An underground Metro system might be the solution and there is a research group within the University of Iceland thoroughly looking into that option. The objective of this paper is to analyse the bedrock of the capital region and how suitable it is for tunnelling. Despite being relatively young on a geologic time scale the capital region‘s geology is still very diverse. The region‘s stratigraphy spans most of the ice age ...