Fjölþætting í íslenskum vöruútflutningi: Áhrif breytinga greind með hjálp fjármálafræðinnar

• Main Author: Haukur Már Gestsson 1988-
• Other Authors: Háskóli Íslands
• Format: Thesis
• Language: Icelandic
• Published: 2012
• Subjects: Hagfræði; Útflutningur; Áliðnaður; Hagvöxtur; Hjálp; Fallin; Iceland
• Online Access: http://hdl.handle.net/1946/11255

Mikilvægi útflutningsgreina Íslendinga hefur komið greinilega í ljós undanfarin ár í kjölfar alþjóðlegu fjármálakreppunnar árið 2008. Í endurreisn efnahags landsins hefur sjávarútvegur gegnt stóru hlutverki, en ekki síður áliðnaður sem hefur byggst hratt upp síðustu áratugi. Markmið þessarar ritgerðar er að kanna áhrif aukinnar álframleiðslu á sveiflur í vexti útflutningstekna á Íslandi, með notkun kenninga Harry Markowitz um fjármálasöfn og kanna hversu hagkvæm samsetning útflutningsgreina er hérlendis í því tilliti. Enn fremur er ætlunin að kanna fjölþættingarstig útflutnings (e. export diversification) hér á landi, en hagfræðingar hafa sýnt fram á tengsl milli hagvaxtar og fjölbreytni í vöruútflutningi. Niðurstöður rannsóknarinnar voru þær að við gefnar útflutningsgreinar er samsetning þeirra hér á landi nokkuð hagkvæm, samanborið við rannsóknir á öðrum löndum. Aukin álframleiðsla frá aldamótum er þó til þess fallin að auka sveiflur í útflutningstekjum og hefur minnkað fjölþættingu í íslenskum vöruútflutningi.