Áhrif trúfélaga á grunnskólanemendur : unglingar og trú

• Main Author: Rannveig Óskarsdóttir 1979-
• Other Authors: Háskóli Íslands
• Format: Thesis
• Language: Icelandic
• Published: 2012
• Subjects: Tómstunda- og félagsmálafræði; Grunnskólanemar; Trúarhreyfingar; Unglingar; Reykjavík; Bak; Olli
• Online Access: http://hdl.handle.net/1946/10938

Lokaverkefni til BA-prófs Verkefni þetta er samblanda af ritgerð og könnun, þar sem lagt var af stað með það í upphafi að kanna trúarafstöðu unglinga í Reykjavík. Ástæðan fyrir því er sú að í október 2010 gaf mannréttindaráð Reykjavíkur út frá sér hugmynd að stefnu innan skólakerfisins sem olli dágóðu fjaðrafoki í samfélaginu. Umræðuefnið var trúfélögin og aðkoma þeirra að börnum í menntakerfinu. Útbúinn var spurningalisti upp á 20 spurningar og hann lagður fyrir nemendur í 9. bekk í þremur grunnskólum í Reykjavík. Könnunin er grunn og má líta á hana sem ljósmynd af afstöðu unglinganna frekar en afdráttarlausa niðurstöðu. Hún er sett í samhengi við aðrar rannsóknir á þessu sviði, bæði erlendar og íslenskar. Þá eru fræðin á bak við trúarlegan félagsþroska og trúarlegt uppeldi sett í samhengi við könnunina.