Móttaka og íslenskukennsla nemenda af erlendum uppruna í grunnskólum Reykjanesbæjar

• Main Author: Stefanía Helga Björnsdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2007
• Subjects: Grunnskólar; Fjölmenning; Nýbúar; Tvítyngi; Reykjanesbær; Akureyri; Mati; Háskólans á Akureyri
• Online Access: http://hdl.handle.net/1946/1041

Verkefnið er opið nemendum og starfsfólki Háskólans á Akureyri Reykjanesbær hefur gefið út þá yfirlýsingu að vera fjölmenningarbær og lagt fram Fjölmenningarstefnu bæjarins, þar er m.a. talað um að börn af erlendum uppruna geti nýtt sér skólakerfið til jafns við önnur börn. Því fannst mér áhugavert að athuga hvernig staðið væri að móttöku og íslenskukennslu þeirra í bæjarfélaginu mínu og hvort farið væri eftir þessum tillögum. Til að afla mér upplýsinga og kynna mér þessi málefni, var að verja hluta af æfingarkennslu minni við kennslu í fjölmenningardeild Myllubakkaskóla. Fjölmenningardeildinni er ætlað að kenna nemendum skólans af erlendum uppruna íslensku. Stuðst er við þróunarverkefnið Þrándur úr götu en því er ætlað að koma með áætlanir og tillögu um móttöku nemenda af erlendum uppruna og kennslu í íslensku sem öðru máli í grunnskólum Reykjanesbæjar. Einnig hef ég lesið talsvert af efni sem tengist þessu málefni. Ég hef eftir bestu getu kynnt mér þau lagalegu réttindi sem nemendur af erlendum uppruna hafa. Okkur bera að taka vel á móti öllum þeim sem til landsins flytja og ekki síst þeim einstaklingum sem eru af erlendum uppruna. Hver einstaklingur sem kýs að setjast að í bæjarfélaginu er einstakur og hefur eitthvað einstakt að gefa samfélaginu. Við verðum að vera opin fyrir menningu hvers annars og samþætta það góða úr hverri menningu fyrir sig. Skólar bæjarins eru að mínu mati ekki nógu duglegir að hvetja nemendur sína og kennara til að kynnast menningu og siðum samnemenda sinna og samstarfsfólks. Almennt virðist móðurmálskennsla nemenda með íslensku sem annað mál vera lítil sem engin. Ef grunnurinn er slakur eru tækifæri þeirra til náms minni. Við ættum að einbeita okkur að því að mennta einstaklinga sem eru jafnvígir á tvö tungumál. Við verðum að gera okkur grein fyrir því hvílíkan auð við eigum í tvítyngdum börnum, sama frá hvað menningarsvæðum þau koma og hvernig þau eru á hörund, því þau eru líka framtíð Íslands.