Kaupmaðurinn á horninu. Sögusýning um verslun og þjónustu í Þingholtunum á 20.öld

• Main Author: Hildur Björgvinsdóttir 1983-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Hagnýt menningarmiðlun; Sýningarhönnun; Verslunarsaga; Þingholtin (Reykjavík); Reykjavík; Reykjavíkurborg
• Online Access: http://hdl.handle.net/1946/10123

Í þessari greinagerð er fjallað um tilurð sýningarinnar, „Kaupmaðurinn á horninu“ sem unnin hefur verið af höfundi og áætlað er að sett verði upp í Reykjavík í byrjun október 2011. Sýningin fjallar um verslunar- og þjónustusögu nokkurra húsa í Þingholtunum. Ferli slíkrar sýningar virtist höfundi í fyrstu einfalt en þegar hafist var handa við heimildavinnu og þegar kom að hagnýtum atriðum kom annað í ljós. Ferlið var afar skemmtilegt og lærdómsríkt en að sama skapi krefjandi. Greinargerðin er tvískipt. Í fyrri hluta hennar er fjallað um hugmyndina að baki verkefninu en hún átti sér nokkurn aðdraganda. Þá er saga Þingholtanna rakin í stuttu máli sem og verslunarsaga Reykjavíkur frá árinu 1870 til ársins 1990. Hugtökin menningararfur og menningarferðaþjónusta eru skoðuð út frá hinum ýmsu hliðum og því næst hvernig menningu og sögu er miðlað til ferðamanna. Einnig er skoðað hvernig verkefni eins og hér er rætt um getur gert aukið gæði íbúa viðkomandi hverfis. Í síðari hluta greinagerðarinnar er fjallað um verkefnið sjálft og það sett inn í sex skrefa kerfi Timothy og Boyd. Þar er það skoðað skref fyrir skref, þ.e. frá hugmynd að framkvæmd og loks hvernig því verður fylgt eftir. Með því að setja verkefni inn í slíka grind er betur hægt að sjá fyrir vandamál sem geta komið upp og tímasetja hvern verkþátt. Hér verður fjallað um þau atriði sem hafa þarf í huga þegar lagt er af stað í slíkt verkefni, hvað þarf að gera fyrst og hvað síðast, við hverja þarf að ráðfæra sig og hvar á að leita heimilda. Þá verður athugað hver gæti verið markhópur sýningar af þessu tagi og að lokum verða kostir og gallar verkefnisins metnir. Sýningin er styrkt af Reykjavíkurborg en ýmis svið hennar komu að verkefninu sem bæði flækti og einfaldaði margt í framkvæmdinni.