| Summary: | Dutkamuša ulbmil lea ovdanbuktit mot sámegieloahpaheaddjit vásihit sámegieloahpahusa. Dát masterdutkamuš guorahallá sámegieloahpaheddjiid oainnuid ja vásáhusaid sámegieloahpahusa hárrái Ruoŧa beale Sámis. Dutkosis čielggaduvvo mii sin mielas doarju dahje hehtte oahpahusa. Čalmmustahtto maiddái oahpaheddjiid niegut ja višuvnnat mot oahpahus sáhtášii ovdánit. Ovdanbukte maid sin boahtteáiggi jurdagiid sámegieloahpahusas. Metoda empiriija háhkamii lea semistruktuvrralaš kvalitatiivvalaš jearahallan, mii lea báddejuvvon ja transkriberejuvvon. Dutkamuššii oasálaste 12 sámegieloahpaheaddji, geat oahpahit ovdaskuvlaluohkás joatkkaskuvlaoahpahusa rádjái. Teorehtalaš lahkonanvuogit leat Hyltenstam & Stroud ja Fishman teoriijat. Maiddái rámmaeavttuid teoriija ja eará gielalaš rámmat leat váldon vuhtii bohtosiid digaštallamis. Dutkosa bohtosat čájehit sámegieloahpahusa váilevaš ja váigadis beliid. Boahtá maid ovdán skuvllaid erohusat sámegieloahpahusa hárrái ja ovttaláganvuođat. Bohtosat čájehit maid mot sámegieloahpahus sáhtášii lihkostuvvat. Oahpaheddjiid bargodilli lea máŋgga ládje lossat ja váttis iešguđet váilevašvuođaid ja hástalusaid dihte. Vaikko oahpahusas leat čuolmmat ja vuosterávdnji, de aŋkke lea oahpaheddjiin miella ja doaivva joatkit nannet ja ovddidit oahpahusa. Sii eai loga vuollánit danne go sámegieloahpahus ja giella lea sidjiide dehálaš. Syftet med masteruppsatsen är att synliggöra lärares uppfattningar om samiskundervisning. Masteruppsatsen undersöker samisklärares syn och erfarenheter om undervisning i samiska på svensk sida av Sápmi. Därtill redovisas vilka möjligheter respektive nackdelar som de ser i sin undervisning. Även lärarnas drömmar och visioner om hur undervisningen kan utvecklas synliggörs. Dessutom presenteras lärarnas framtida tankar kring undervisningen. Metoden som använts för datainsamlingen är semistrukturerade kvalitativa intervjuer som har bandats och transkriberats. I undersökningen deltog tolv lärare som undervisar i samiska från förskoleklass till gymnasiet. Det teoretiska ...
|
|---|