Sámi dieđalaš áigečála

• Main Authors: Hirvonen, Vuokko, Svonni, Mikael, Magge, Ole Henrik, Guttorm, Gunvor, Lehtola, Veli-Pekka, Oskal, Nils, Gaski, Harald
• Format: Other/Unknown Material
• Language: Sami languages
• Published: 2013
• Subjects: VDP::Humanities: 000::Linguistics: 010::Sami language: 031; VDP::Humanities: 000::Literary disciplines: 040::Sami literature: 053; sami; Sámi
• Online Access: http://hdl.handle.net/11250/177128

Johan Turi dovddus girji Muitalus sámiid birra devddii čuohte jagi 2010. Mearkadáhpáhusa ja Johan Turi eallinbarggu gudnin Sámi allaskuvla lágidii ávvuvahku skábman 2010. Ávvuvahku áigge dollojuvvui ávvuseminára. Dán seminára ovdanbuktimiid vuođul leat dán temánummira artihkkalat čállojuvvon. Muitalus sámiid birra gullá sámi girjjálašvuođa klassihkkariidda, dasgo dat lei vuosttas sámi čállin sámegiel girji. Čállimii Turi oaččui veahki Dánmárkku dáiddáris Emilie Demant’as (maŋŋá Demant-Hatt), guhte doaimmahii Turi teavsttaid girjin ja jorgalii dan dánskkagillii. Su ánssus Turi čálus šattai dovddusin ja beakkálmassan Eurohpás juo 1910–1930-logus. Girji jorgaluvvui máŋgga gillii ja erenoamážit antropologat, etnográfat ja oskkoldatdutkit beroštišgohte das. Girjjiinis Turi dagai dovddusin sámiid eallima, muhto seammás su teaksta lea šaddan divrras kultuvrralaš árbin sápmelaččaide alcceseaset. Nugo dán temánummiris boahtá ovdan, de sápmelaš dutkiide Turi girji lea gáldu, mas lea goistemuš, leš dal sáhka girjjálašvuođas, filosofiijas, historjjás, sámegielas, duojis dahje dáidagis. Sierra fágasurggiid olbmot leat lahkonan Johan Turi girjji iežaset vuolggasajiin ja oaidninvugiiguin, mii čájeha dán teavstta riggodaga ja máŋggabealatvuođa.