Svart på kvitt med nokre gråtoner Ein analyse av 7 ulike medium si dekning av gjennomføringa av Brent jords taktikk i, og tvangsevakueringa av Finnmark og Nord-Troms i perioden frå oktober 1944 til frigjeringa 8. mai 1945.

• Main Author: Stangeland, Julia
• Format: Master Thesis
• Language: Norwegian Nynorsk
• Published: 2017
• Subjects: Brent Jord. Tvangsevakuering. Evakuering. Nord-Troms. Finnmark. Propaganda. Sensur; Finnmark; Troms
• Online Access: http://hdl.handle.net/10852/57149; http://urn.nb.no/URN:NBN:no-59889

I denne oppgåva har eg sett på korleis 6 aviser og sundagstalane til Toralv Øksnevad, London radio, i perioden mellom oktober 1944 og fram til frigjeringa 1945, skildra nedbrenninga og tvangsevakueringa av Finnmark og Nord-Troms. Oppgåva er ein komparativ, kvalitativ analyse av dei ulike mediekjeldene der eg både ser på korleis hendingane blei skildra innanfor dei legale avisene og dei illegale media, og på tvers av desse. Dei legale avisene blir dessutan samanlikna med Pressedirektiv og Tagesanweisungen som blei sendt ut av høvesvis Pressedirektoratet og Presseabteilung. Eg prøver å kome fram til kva slags grunnforteljing dei legale avisene, åleine og saman med direktiva, skapte om tvangsevakueringa og nedbrenninga, og kva slags motforteljing dei illegale media formidla. Kor propagandaprega og sjablongprega er dei to forteljingane, er hendingane framstilt heilt svart-kvitt eller finst det nokre gråtoner? Kva konsekvensar fekk media si påverknad for befolkninga i Noreg?