Gróska og stöðnun í stærðfræðimenntun 1880–1970

• Main Author: Bjarnadóttir, Kristín
• Other Authors: Menntavísindasvið
• Format: Article in Journal/Newspaper
• Language: Icelandic
• Published: 2009
• Subjects: Stærðfræði (allt); Olli; Reykjavík
• Online Access: https://hdl.handle.net/20.500.11815/4856

Á árabilinu 1930–1966 ríkti stöðnun í stærðfræðimenntun fyrir almenning þrátt fyrir metnaðarfull fræðslulög, sett 1946. Í greininni eru færð rök fyrir því að innlendar ákvarðanir hafi átt mestan þátt í því að námsbækur og kennsla stöðnuðu í ákveðnu fari. Rædd eru þrjú veigamikil atriði: • Aðgangur að Menntaskólanum í Reykjavík var takmarkaður á árabilinu 1928–1946. • Ríkisútgáfa námsbóka var stofnuð árið 1937 til að tryggja að allir nemendur barnaskólanna fengju ókeypis skólabækur. • Fræðslulögum árið 1946 fylgdi reglugerð um landspróf miðskóla til að tryggja jafnan undirbúning og jöfn tækifæri unglinga til aðgangs að menntaskólunum. Ákvarðanirnar urðu til að takmarka framboð kennslubóka í stærðfræði fyrir barna- og unglingafræðsluna og einskorða það við tilteknar kennslubækur frá árunum 1920–1929. Færð verða rök fyrir þeirri tilgátu að ákvarðanirnar geti skýrt langvarandi stöðnun sem olli því að bylgjum alþjóðlegrar hreyfingar um nýstærðfræði var tekið af feginleik og með meiri væntingum en forsendur reyndust fyrir. Peer reviewed