Sköpunar- og tæknismiðjur í þremur grunnskólum: Framkvæmd og kennslufræði fyrstu skrefin

• Published in: Netla
• Main Authors: Jónsdóttir, Svanborg R., Kjartansdóttir, Skúlína Hlíf, Jónsdóttir, Svala, Pétursdóttir, Svava, Hjartarson, Torfi
• Other Authors: Deild kennslu- og menntunarfræði, Deild faggreinakennslu
• Format: Article in Journal/Newspaper
• Language: Icelandic
• Published: 2021
• Subjects: Sköpun; Sköpunarsmiðjur; Kennslufræði; Stafræn tækni; Þróunarverkefni; Skólaþróun; Creativity; Makerspaces; Emancipatory pedagogy; Digital technology; School development; Coherence; Educamps; Reykjavík
• Online Access: https://hdl.handle.net/20.500.11815/3166; https://doi.org/10.24270/netla.2021.9

Samtíminn er fullur af móthverfum sem fela í sér ógnir og tækifæri, álitamál og áskoranir. Nútímasamfélag kallar á skólastarf, þar sem nemendur eru virkir og skapandi þátttakendur, færir um að móta eigið nám. Þessi rannsókn segir frá fyrsta ári af þremur í þróunarverkefni þriggja grunnskóla í Reykjavík um sköpunar- og tæknismiðjur (e. makerspaces). Hún á að auka skilning á hvað þarf til að nýsköpun og hönnun í anda sköpunarsmiðja skjóti rótum í starfi grunnskóla og á hvaða uppeldis- og kennslufræði þar er byggt. Leitast er við að greina hvað helst einkenndi og hafði áhrif á innleiðingu tæknilausna, nemendavinnu og kennsluhátta í þeim anda. Byggt er á eigindlegri nálgun og reynt að fá innsýn í reynslu fólks, viðhorf og hugsun í verkefninu. Rannsóknargögn samanstanda af vettvangsathugunum, viðtölum við skólastjórnendur, verkefnisstjóra og teymi kennara í skólunum þremur, auk styrkumsóknar, upplýsingavefs og síðu Facebook--hóps. Lýst er hvernig margir þættir spila saman og takast á við framgang verkefnisins ásamt tilraunum kennara á þeim grunni. Ekki síst er athygli beint að hugmyndum um kennslu og eflandi kennslufræði sem þar birtast eða búa að baki. Viðhorf og stuðningur skólastjórnenda, starf verkefnisstjóranna, viðhorf, reynsla og færni kennara, skilningur á verkefninu og mikilvægi þess, skipulag stundaskrár, samtal og samstaða eru þættir sem virðast skipta máli í innleiðingunni en einnig sérstaða einstakra skóla auk hefðar fyrir þemanámi þvert á greinasvið, teymiskennslu og skapandi starfi. Mörg uppbyggileg skref voru stigin á þessu fyrsta ári sem þarf að fylgja eftir með virku samtali og samvirkni þessara þátta. In the past few decades we have seen huge technological advancements, demographic shifts, economic expansion and profound cultural changes. The generations now growing up have been immersed in digital technology from their birth. We do, in our modern contemporary society, need a shift in education towards teaching and learning, where students are more active and creative participants, having the ...