Innsats i kroppsøving - kva legg lærarar og elevar i omgrepet innsats i kroppsøving?

• Main Author: Aakre, Rita
• Format: Bachelor Thesis
• Language: Norwegian Nynorsk
• Published: 2015
• Subjects: Gjere; Nordland
• Online Access: http://hdl.handle.net/11250/298644

Innsats i kroppsøving har vore eit omdiskutert tema i lang tid. Frå 2006-2012 skulle ikkje innsats vere ein del av grunnlaget for karakteren i kroppsøving. Etter 2012 kom Utdanningsdirektoratet med ein revidert læreplan «Udir-08-2012», der stod der tydeleg at innsats skulle bli eit av kriteria for karakteren. Problemstillinga mi for denne studien er kva legg lærarar og elevar i omgrepet innsats i kroppsøving? Metodene som er brukt er kvalitativt intervju og kvantitativt spørjeskjema. Utvalet bestod av 202 ungdomsskuleelevar hjå to ungdomsskular i Nordland. Informantane var seks kroppsøvingslærarar og åtte ungdomsskuleelevar. Datamaterialet behandla eg i Microsoft Word 2012 og Microsoft Excel 2012. Resultata viser at lærarane eg intervjua skildra innsats som «Å gjere det beste ein kan, møte opp til timane», medan elevane skildra innsats som «Å gjere det beste ein kan, hjelpe medelevar, ta initiativ». Konklusjonen til denne studien er at lærarane ser på innsats som eit meir opent og vidt omgrep (heilheitleg), mens elevane ser på innsats som eit meir konkret og spesifikt omgrep.