Overvaking av kongeørn i Noreg 2022. Resultat frå 12 intensivt overvaka område

• Main Authors: Mattisson, Jenny, Kleven, Oddmund
• Format: Report
• Language: Norwegian Nynorsk
• Published: Norsk institutt for naturforskning (NINA) 2022
• Subjects: kongeørn; Aquila chrysaetos; bestandsovervaking; DNA-analyse; Golden Eagle; population monitoring; DNA analysis; Fauske; Finnmarksvidda; Kleven; golden eagle
• Online Access: https://hdl.handle.net/11250/3038316

Mattisson, J. & Kleven, O. 2022. Overvaking av kongeørn i Noreg 2022. Resultat frå 12 intensivt overvaka område. NINA Rapport 2211. Norsk institutt for naturforskning. Overvaking av kongeørn (Aquila chrysaetos) inngår i det nasjonale overvakingsprogrammet for rovvilt, og er organisert i to hovuddelar; intensiv og ekstensiv overvaking. I denne rapporten vert resultata for dei intensivt overvaka områda i 2022 presentert, både med tanke på territoriestatus, ungeproduksjon og DNA-analysar, saman med estimat på årleg vaksenoverleving frå Fauske og Finnmarksvidda. Vi vil òg samanlikne resultata med ungeproduksjonen i desse områda tidlegare år. I den ekstensive overvakinga av arten vert noverande og tidlegare hekketerritorium over heile landet kartlagt. Hovudføremålet med denne kartlegginga er å få ei mest mogleg komplett oversikt over talet på hekkande par og den geografiske fordelinga av hekketerritorium i Noreg. Resultat frå den ekstensive overvakinga er ikkje inkludert i denne rapporten. Den intensive overvakinga av kongeørn vert gjennomført i 12 utvalte intensivområde. Desse områda er valt for å få ei god dekning av landet i både nord-sør- og kyst-innlandsgradienten. I kvart av intensivområda er det 15 faste territorium, som vert følgde opp med fleire årlege besøk for å kartleggje hekkestatus i territoriet og ungeproduksjon. I to intensivområde vert det i tillegg samla inn DNA-materiale frå territoria for å overvake eventuelle endringar i den årlege vaksenoverlevinga. Seks av intensivområda har vore overvaka sidan 1990-talet gjennom Program for terrestrisk naturovervaking (TOV). Resultata frå årets intensive overvaking av kongeørn viser at det i 2022 vart registrert 50 vellykka hekkingar med totalt 62 ungar eldre enn 50 døgn, og ein gjennomsnittleg produksjon per territo-rium på 0,34 ungar eldre enn 50 døgn. Dette er noko høgare enn i 2021, med 53 ungar eldre enn 50 døgn fordelt på 47 vellykka hekkingar, og ein gjennomsnittleg produksjon per territorium på 0,29 ungar eldre enn 50 døgn. I områda inkludert i ...