Gallblöðrutaka og krabbamein í ristli og endaþarmi á Íslandi

• Main Authors: Gunnlaugur Pétur Nielsen, Ásgeir Theodórs, Hrafn Tulinius, Helgi Sigvaldason
• Format: Article in Journal/Newspaper
• Language: Icelandic
• Published: Læknafélag Íslands, Læknafélag Reykjavíkur 2010
• Subjects: Ristilkrabbamein; Gallblaðra; Colonic Neoplasms; Rectal Neoplasms; Iceland; Cholecystectomy; Smella
• Online Access: http://hdl.handle.net/2336/90120

Neðst á síðunni er hægt að nálgast greinina í heild sinni með því að smella á hlekkinn Skoða/Opna(view/open) Tilgangur rannsóknarinnar var að kanna samband gallblöðrutöku og krabbameina í ristli og endaþarmi hjá Íslendingum. Upplýsinga var aflað um sjúklinga sem gengist höfðu undir gallblöðrutöku á flestum sjúkrahúsum landsins á árunum 1955-1980 (26 ár). Samtals 3425 einstaklingum (857 körlum og 2568 konum) var fylgt eftir í 8-33 ár og fjöldi krabbameina í ristli og endaþarmi fundinn. Ekki fannst marktæk aukning á krabbameini í ristli og endaþarmi hjá konum og körlum samanlagt. Fjöldi krabbameina í endaþarmi hjá körlum og ristli og endaþarmi hjá konum var ekki marktækt aukinn. Hjá körlum fannst marktæk aukning á krabbameini í ristli eftir gallblöðrutöku (SIR 2.73; 95% vikmörk 1.25-5.19). Aukningin kom þó ekki fram fyrr en 11 árum eftir aðgerð. Þrátt fyrir þessa marktæku aukningu er reglubundið eftirlit ekki ráðlagt þar sem flestir karlmannanna voru 70 ára og eldri við greiningu ristilkrabbameinsins.