Flutningstími og gæði meðferðar hjá sjúklingum með ST-hækkunar-hjartadrep á landsbyggðinni – fáir ná í kransæðavíkkun innan 120 mínútna

• Published in: Læknablaðið
• Main Authors: Sigmundsson, Þórir S., Arnarson, Daníel, Rafnsson, Arnar, Magnússon, Viðar, Gunnarsson, Gunnar Þór, Þorgeirsson, Gestur
• Other Authors: 1 Karolinska háskólasjúkrahúsið í Solna, 2 Læknadeild Háskóla Íslands 3 Svæfinga- og gjörgæsludeild Landspítala 4 Hjartadeild, Landspítala 5 Sjúkrahúsinu á Akureyri
• Format: Article in Journal/Newspaper
• Language: Icelandic
• Published: Læknafélag Íslands, Læknafélag Reykjavi­kur 2016
• Subjects: Hjartasjúkdómar; Kransæðavíkkanir; Sjúkraflutningar; Myocardial Infarction; Quality of Health Care; Rural Health Services*/organization & administration; Thrombolytic Therapy*; Treatment Outcome; Time Factors; Retrospective Studies; Platelet Aggregation Inhibitors/therapeutic use*; Iceland/epidemiology; Health Services Accessibility; Emergency Medical Services*/organization & administration; Angioplasty; Balloon; Coronary*; Percutaneous Coronary Intervention; Fibrinolysis; Smella; Veita; Iceland
• Online Access: http://hdl.handle.net/2336/593265; https://doi.org/10.17992/lbl.2016.01.59

Efst á síðunni er hægt að nálgast greinina í heild sinni með því að smella á hlekkinn Inngangur: Brátt hjartadrep með ST-hækkunum (STEMI) er lífshættulegt ástand. Meðferð skal veita eins hratt og hægt er með blóðþynningarlyfjum og kransæðavíkkun innan 120 mínútna frá fyrstu samskiptum við heilbrigðisstarfsmann (FSH) en að öðrum kosti með segaleysandi meðferð ef fyrirséður flutningstími er langur. Tilgangur rannsóknarinnar var að kanna flutningstíma sjúklinga með STEMI af landsbyggðinni og hvort bráðameð- ferð samræmdist klínískum leiðbeiningum. Efniviður og aðferðir: Sjúkraskrár sjúklinga með greininguna STEMI við útskrift af Landspítala á árunum 2011 og 2012 voru skoðaðar afturskyggnt. Við úrvinnslu voru notaðar aðferðir lýsandi og ályktunartölfræði. Niðurstöður: Af 112 sjúklingum sem fengu greininguna STEMI eftir flutning á Landspítala frá stað utan höfuðborgarsvæðisins voru 86 sjúklingar (77%) greindir með hjartalínuriti strax í héraði; 42 á suðursvæði og 44 á norðursvæði Íslands. Á suðursvæði var tími frá FSH að kransæðavíkkun að miðgildi 157 mínútur. Níu sajúklingar (21%) komust í kransæðavíkkun innan 120 mínútna en enginn fékk segaleysandi meðferð og marktækt færri blóðþynningarmeðferð med klópídógrel og enoxaparín en á norðursvæði. Á norðursvæði, þar sem flutningstíminn er langur, fengu nær allir sjúklingar (96%) sem ekki höfðu frábendingar segaleysandi lyf að miðgildi 57 mínútum eftir FSH og viðeigandi blóðþynningarmeðferð. Dánartíðni var 7% og legutími á Landspítala að miðgildi 6 dagar. Ályktanir: Utan höfuðborgarsvæðisins er tími frá FSH að mögulegri kransæðavíkkun í langflestum tilfellum lengri en 120 mínútur. Íhuga ætti segaleysandi meðferð hjá öllum sjúklingum með STEMI utan höfuðborgarsvæðisins ef frábendingar eru ekki til staðar. Skerpa þarf á leiðbeiningum á suðursvæði þar sem blóðþynningarlyf eru gefin marktækt sjaldnar en á norðursvæði. Símsent hjartalínurit og beint samband við hjartalækni myndi auðvelda greiningu og flýta meðferð. Samræmd skráning í STEMIgagnagrunn á landsvísu myndi ...