Korleis oppfattar og forstår internasjonale studentar pliktene til allemannsretten

• Main Authors: Hjelmeland, Simen, Tofte, Håvard
• Format: Bachelor Thesis
• Language: Norwegian Nynorsk
• Published: 2017
• Subjects: Naturbasert turisme; allemannsretten; friluftslova; Lofoten; Johannessen; Bygd; Trolltunga; Tufte; Preikestolen
• Online Access: http://hdl.handle.net/11250/2485842

Den eksplosive veksten i turisme i Noreg (Innovasjon Noreg, 2017) der naturattraksjonar som Preikestolen, Lofoten og Trolltunga opplever ein sterkt aukande pågang har ført til fleire utfordringar (Ellingsen, 2016; Oma, 2017). I 2010 hadde Trolltunga rundt 800 besøkande (Fjelltveit, 2016), medan det sesongen 2016 vart registrert 80 000. Vi ønska å sjå nærare på kvifor dette har blitt eit problem. Difor valte vi å intervjue studentar frå Outdoor Education and Nordic Friluftsliv for å forstå korleis dei oppfattar allemannsretten og fri ferdsel (Friluftsloven, 1957). Oppgåva er difor basert på synet informantane har på allemannsretten for å sjå om det er samanhengar mellom deira syn og utfordringar naturbasert masseturisme har opplevd. For å få fram ulike erfaringar, tankar og syn, valte vi kvalitativ metode. Intervjua vart gjennomført som fokusgruppeintervju, for å fremme diskusjon og refleksjon (Lerdal & Karlsson, 2009). For at informantane sjølv skulle få vektleggje kva som var relevant og fremme diskusjon, brukte vi ei semistrukturert intervjuguide (Johannessen, Tufte & Kristoffersen, 2006). Svara vi fekk i intervjuet vart diskutert og analysert opp mot teorien. Undersøkinga viste at informantane sin forståing for pliktene i allemannsretten (Friluftsloven, 1957) er bygd opp rundt det å vise sunn fornuft. Dette handlar spesielt om å ferdast sporlaust (Mytting & Bischoff, 2008). For å få innblikk i deira turvaner, valte vi vidare å spørje dei om kva vurderingar dei gjorde før og under tur (Faarlund, 1973; Horgen, 2010). På bakgrunn av våre funn kom vi difor fram til at studentane ved Outdoor Education and Nordic Friluftsliv har eit noko overflatisk syn på allemannsretten. Slik vi tolka det, er det sporlaus ferdsel som hovudsakleg blir vektlagt av informantane som ei plikt. Vi såg ingen klare funn som tilsa at det å ferdast trygt nødvendigvis vart oppfatta som ei plikt. Vår konklusjon vart difor at allemannsrettens plikter er diffuse (Reusch, 2012). Når friluftsstudentar difor slit med å forstå ...